अमेरिकी राष्ट्रपतीय स्वयंसेवा अवार्ड
अमेरिकी राष्ट्रपतीय स्वयंसेवा अवार्डचाहिँ सक्रियतापूर्वक स्वयंसेवा गरेका व्यक्ति विशेष वा सङ्गठनलाई दिइने सर्वोत्कृष्ट अवार्ड हो । सेवा पुऱ्याएको समयअनुसार अवार्डलाई काँस्य स्तर, रजत स्तर र स्वर्ण स्तरमा वर्गीकरण गरिएको छ । विशेषतः आफ्नो जीवनकालमा ४,००० घण्टाभन्दा बढी समयसम्म समर्पणयुक्त सेवा गरेको कदरस्वरूप राष्ट्रपतीय स्वयंसेवा अवार्ड प्रदान गरिन्छ ।
“राष्ट्रपतीय स्वयंसेवा अवार्ड प्राप्त गर्नुभएकोमा बधार्ई छ, अनि हाम्रो देश र समाजमा एकदमै खाँचो परेका कुराहरू पूर्ति गर्न मद्दत गर्नुभएकोमा धन्यवाद !
मैले उद्घाटन मन्तव्यमा भनेको थिएँ, कि जिम्मेवारीको नयाँ युगको आवश्यकता छ जब अमेरिकीहरूले आफू, आफ्नो राष्ट्र र पूरै विश्वप्रति निभाउनुपर्ने कर्तव्यलाई बुझ्छन् । यो एउटा यस्तो कर्तव्य हो जसलाई हामीहरू निराश भएर होइन, तर खुशीसाथ स्वीकार गर्छौं । यो ज्ञानमा दृढ हुँदै, कि गाह्रो कार्यमा सक्दो गर्नुजत्तिको आत्मालाई सन्तुष्टि दिने कुरा अरू केही छैन । यहाँहरूको स्वयंसेवा यो कर्तव्यअनुरूप छ, जसले अमेरिकालाई महान् प्रतिज्ञातिर एक कदम अगाडि बढाउन मद्दत गरिरहेको छ ।
सरकारले महान् समाज सेवा गर्ने धेरै अवसरहरू प्रदान गर्छ, तर ती अवसरहरूलाई पक्रने कि नपक्रने भन्ने कुरा हामीमा निर्भर हुन्छ । यहाँहरूको समर्पणको लागि धन्यवाद, अनि हाम्रो महान् देश र उत्तम भविष्यको लागि सक्दो गरिदिनुभएकोमा धन्यवाद !”
बाराक ओबामा, संयुक्त राज्य अमेरिकाका ४४औँ राष्ट्रपति